शुक्रवार, भाद्र १९ गते २०८३
काठमाडौ । नेपाली क्लब मछिन्द्रले भुटानी क्लब पारो एफसीलाई एएफसी कप छनोटको प्रारम्भिक चरणमा पराजित गरेको छ । पारो एफसीलाई ३–२ गोलले हराउँदै मच्छिन्द्र क्लब एएफसी कप छनोटको दोस्रो चरण पुगेको हो ।
मंगलबार दशरथ रंगशालामा मंगलबार साँझ भएको खेलमा भुटानले सुरुवाती अग्रता लिएको थियो । खेलको ७औं मिनेटमा पारोका काजुओ होम्माले गोल गर्दै अग्रता लिएका थिए । तर त्यसको ५ मिनेटपछि नै विमल घर्ती मगरले बराबरी गोल फर्काए ।
यस्तै त्यसपछि १५ औं मिनेटमा आयुष घलानले तथा ३९ मिनेटमा ओलावाले आफिजले गोल गरे गरे ।
७१औं मिनेटमा पारोका लागि इभान अशान्तेले एक गोल गरेपनि त्यो जितका लागि पर्याप्त हुन सकेन।
विजेता मछिन्द्रले आगामी अगष्ट १६ मा भारतीय क्लब मोहन बगानसँग प्रतिस्पर्धा गर्ने कार्यतालिका छ ।
सम्पर्क
nayalahar@gmail.com
सूचना विभाग दर्ता नं.:
